DIL GALTI KR BETHA HAI BY HUMA WAQAS

” فار یور کائنڈ انفارمیشن میرا سر بھی ہے اور پیر بھی اور محبت کرتے نہیں ہیں ہو جاتی ہے اور جب یہ ہوتی ہے تب پتا بھی نہیں چلتا ۔ ہو سکتا ہے اُس دن لڑائی کرتے ہوئے اُسے تم اچھی لگی ہو کیونکہ اکثر ڈراموں اور فلموں میں ایسا ہی ہوتا ہے ۔ بس ایک لمحہ ہوتا ہے جب ہیرو کو ہیروئن اچھی لگ جاتی ہے ۔ ایک صیح کلک اور محبت کا تیر دل کے آر پار ۔ “

” یہ کوئی فلم نہیں ہے ۔ ” دانین نے نخوت سے ناک چڑھائی ۔

” فلمیں بھی زندگی کی حقیقتوں سے متاثر ہو کر ہی بنائی جاتی ہیں ۔ ” صبا نے ترکی با ترکی جواب دیا ۔

اب کی بار دانین نے کوئی جواب نہیں دیا ۔ چند پل کی خاموشی کے بعد صبا پھر سے شروع ہو گئی ۔

” مجھے تو یہ سوچ سوچ کر ہی اتنی اکسایٹمینٹ ہو رہی ہے کہ زری تم سے محبت کرنے لگا ہے ۔ “

دانین نے غصے سے اپنے کانوں پر ہاتھ رکھ لئے ۔

” چپ کر جاؤ صبا۔ فضول بولے جا رہی ہو ۔ ایسا کچھ نہیں ہے ۔ مجھے تو لگتا ہے اس کا یہ رویہ میرا وہم ہی ہوگا ۔ اب مہربانی ہو گی خود بھی پڑھ لو اور مجھے بھی پڑھنے دو ۔ “

اس بار وہ اتنے غصے میں بولی کہ صبا چپ ہو گئی ۔ وہ تو چپ ہو گئی لیکن دانین کو عجیب سوچوں نے گھیر لیا ۔ پہلی دفعہ ایسا تھا کہ وہ کتاب پر نظریں جمائے بیٹھی تھی لیکن سوچ کچھ اور رہی تھی ۔